Skal du selje eller byte bustaden din?

Kjøpe ny bustad før du sel?

Først må du vurdere om du skal kjøpe ny bustad før du sel den gamle. Dette valet avheng ofte av marknadssituasjonen og din personlege økonomi.

Selge først:

Ved å selje din noverande bustad først, får du eit klart bilete av ditt økonomiske utgangspunkt for neste kjøp. Risikoen er at du kan måtte finne mellombels bustad dersom du ikkje finn din neste bustad raskt.

Kjøpe først:

Om du finn draumebustaden før du sel, kan dette verke tiltalande. Risikoen er dobbel opp med bustadlån om du ikkje får selt den gamle bustaden raskt.

Søk om eit finansieringsbevis, slik at du veit kva du har å rutte med.

Val av eigedomsmeklar

Ein god eigedomsmeklar er essensiell for eit vellukka sal. Søk etter ein meklar med:

• God kjennskap til lokalområdet

• Sterke salsresultat

• Gode kundeomtaler

• Ein klar plan for markedsføring av bustaden din

Eit godt råd er ofte å kontakte tre ulike meklere for å få godt samanlikningsgrunnlag, og foreta ein vurdering og val etter det. Vi kan hjelpe deg med å finne eigedomsmeklar som passar dine behov og interesser best mogleg.

Førebuing før sal av bustad

Små oppussingar kan auke bustadens verdi betydeleg. Frisk opp med maling, rydd opp i hagen, og sørg for at alle småreparasjonar er gjort. Dette gir potensielle kjøparar eit betre førsteinntrykk. Ein attraktiv bustad sel raskare og til ein betre pris. Vurder desse tiltaka:

• Fikse og ordne

  Eit nytt malingsstrøk, oppdaterte armaturer eller ein ryddig hage kan gjere bustaden meir attraktiv.

• Bustadstyling

  Å style heimen for sal kan gjere ein stor forskjell. Ein bustadstylist kan hjelpe potensielle kjøparar å sjå potensialet i bustaden din.

• Fotografering

  Få ein profesjonell fotograf til å ta bilete. Dette kan gjere at bustaden din skil seg ut i marknaden.

Gjennomføre sal av bustad

Når bustaden er klar for marknaden, vil din eigedomsmeklar hjelpe deg gjennom desse stega:

• Bustadannonse

  Eigedomsmeklar hjelper deg med å leggje ut bustadannonse slik at du kan nå ut til potensielle kjøparar.

• Visningar

  Åpent hus og private visningar gir potensielle kjøparar moglegheit til å sjå bustaden.

• Bodrunde

Eigedomsmeklaren din vil handtere bod og forhandlingar. Dette kan vere ein intens del av prosessen. Få tips og råd til bodrunden her.

• Kontraktsmøte

  Når ein avtale er oppnådd, vil både kjøpar og seljar møtast for å gjennomgå og signere salskontrakten.

• Overtaking

  Når bodet er akseptert, kontrakten er gjennomgått og signert, er det klart for overtaking. Overtakinga inneber overlevering av nøklar til ny eigar. Her er ei sjekkliste du kan bruke ved overtaking av bustad.