Spørsmål og svar BankID

BankID-appen er ein digital variant av kodebrikka di. Han er tryggare, enklare og betre enn andre BankID-metodar fordi han er basert på nyare teknologi. Med BankID-app er du betre verna mot svindel fordi du ikkje har nokon kode du kan gje frå deg, du får betre informasjon om kjøp/innlogging i appen og kan enkelt avbryte dersom noko ikkje stemmer.

1. Ha kodebrikka (eller BankID på mobil) tilgjengeleg. 
2. Last ned BankID-appen frå App Store eller Google Play. 
3. Følg instruksjonane på skjermen. 

Lurer du på noko undervegs? Vi har laga forklaring på stega her: 

Aktiver BankID-app med kodebrikke. 

Aktiver BankID-app med BankID på mobil. 
 

BankID-app er tryggare å bruke enn kodebrikken fordi du er betre verna mot svindel. Med BankID-app har du ikkje nokon kode du kan gje frå deg, du får betre informasjon om kjøp/innlogging i appen og kan enkelt avbryte dersom noko ikkje stemmer.

Du må velje BankID og ikkje BankID på mobil når du skal logge inn med app. Når du loggar inn fyrste gong med app, vel du app som metode: klikk på Velg annan BankID under feltet for eingongskode. så vel du ønsket kodeapp i lista, trykkjer deg vidare og følgjer instruksjonen på mobilen din.

Dersom du har BankID-app treng du ikkje kodebrikka for å aktivere app når du bytte telefon. Du kan enkelt ordne dette utan kodebrikka slik:

1. Last opp BankID-app på ny telefon.
2. Aktivér BankID-app på ny telefon med BankID-appen på den gamle telefonen din. Hugs å velje "Kodebrikke" når du skal aktivere, og hugs at du må ha internett på begge telefonane.
3. No er BankID-appen klar på den nye telefonen din.

Då har du mest sannsynleg slått av varslingar på mobilen din. Opne BankID-appen og slå på varslingar ved å trykkje på meldinga som ligg på heim-skjermen. Då får du ein snarveg inn i appen kvar gong du skal godkjenne ein førespurnad.

BankID er ein personleg og enkel elektronisk legitimasjon for sikker identifisering og signering på nett. Brukast blant anna til innlogging i nettbanken, for levering av sjølvmeldinga, signering av søknader, avtalar og meir.

Når du opprettar BankID, blir eit aktivert BANKID-sertifikat. For å halde dette aktivt må du innimellom bruke kodebrikka di, eller bruke passordet ditt når du loggar inn med BankID. Mange som har BankID på mobil, bruker sjeldan brikke eller passord, noko som resulterer i at BANKID-sertifikatet blir inaktivt. 

Dersom du skal laste ned BankID-appen må du ha eit aktivt BANKID-sertifikat. Har du BankID på mobil utan eit aktivt BankID sertifikat, og må byte SIM-kort eller mister mobilen, kan du risikere å stå utan BankID.

Dersom du har ein aktiv BankID på mobil kan du resetje ditt BankID-passord sjølv. Logg f.eks. inn i nettbanken og vel BankID med app eller BankID med kodebrikke som metode. Når du kjem til vindauget med "Ditt BankID-passord" trykkjer du på "Glemt passord" og følgjer stega vidare. 

Har du ikkje BankID på mobil, må du kontakte oss for å få endra ditt BankID-passord.  

Har du ikkje eit aktivt BankID-sertifikat, må du ta kontakt med banken.

BankID på mobil er ei elektronisk identifiserings- og signeringsløysing der tryggleikselementa blir lagra i mobiltelefonen sitt SIM-kort. Med BankID på mobil kan du enkelt logge deg inn i nettbanken eller betale på nett, utan å måtte bruke kodebrikka.

Du må vere legitimert med pass og fått kodebrikke frå oss for å kunne opprette BankID. Når dette er på plass, kan du gå til pålogginga i nettbanken og taste inn fødselsnummeret ditt. Deretter følgjer du prosedyren for å aktivere BankID. Når BankID er aktivert, kan du betale og signere med BankID.

Ring kundesenteret vårt for å bestille ny kodebrikke. Brikka vil bli sendt i posten og du vil vanlegvis motta den mellom 2-4 vyrkerdagar etter den er bestilt (kan ta opptil 14 dagar).

Det er mogeleg for ungdom mellom 15-18 år å få BankID brikke. For å få BankID må banken ha godkjenning frå begge verjene. Dette kan gjerast ved at begge verjene møter opp i banken saman med ungdommen. Hugs å ta med ungdommens pass og legitimasjon på begge verjer.

Ja, BankID kan brukast på tvers av banker så lenge det er ein fullverdig BankID. Dersom du har brikke frå oss, må du bruke denne ved fyrste pålogging.

Dersom du har mistanke om at somme har fått kjennskap til ditt BankID-passord, må du anten endre passordet eller ta kontakt med banken umiddelbart. Du må også kontakte banken umiddelbart dersom kodebrikka di er mista eller stole.

For å kunne motta passord på SMS, må du vere registrert kunde hos oss. Kontakt kundesenteret vårt, så kan vi hjelpe deg.

Start ei pålogging med BankID. Når du kjem til bilete for å taste inn eingongskode, kan du velje Endre passord i menyen øvst til høgre 

Dersom din BankID har blitt sperra må du kontakte oss for å få den opna igjen.

Du kan ikkje endre koden sjølv. For å få endra koden må du kontakte oss.

Ved å nytte deg av innlogging med ansiktsgjenkjenning eller fingeravtrykk vil du få ei endå betre brukaroppleving i BankID-appen, som samtidig sikrar tryggleik og personvern på ein trygg måte. Ei innlogging ved bruk av ansikt eller finger i BankID-appen tek under 10 sekund, medan det tek rundt 20 sekund å logge inn med passord, og 30 sekund med BankID på mobil (som skal fasast ut).

Dette må vere på plass for at du skal kunne aktivere ansiktsgjenkjenning/fingeravtrykk i BankID-appen:

• Eininga di må ikkje vere rooted/jailbroken. Rooting/jailbreaking inneber at du får administratorrettar til eininga di. Dersom du får ei feilmelding frå BankID om at eininga er rooted/jailbroken og du ikkje har gjort dette sjølv, tilrår vi at du tek kontakt med dei som har selt deg telefonen eller hjelpt deg med å setje han opp. For nokre hjelper det å tilbakestille eininga til fabrikkinnstillingane.
• Du må ha operativsystem iOS 14 / Android 7 eller nyare.
• Du må ha aktivert ansiktsgjenkjenning/fingeravtrykk på eininga di.

For nye appbrukarar:

1. Som ny brukar av BankID-appen vil du kunne aktivere BankID med ansiktsgjenkjenning, fingeravtrykk eller PIN når du aktiverer appen
2. Følg instruksane i appen for å aktivere raskare BankID
3. Dersom du ikkje får aktivert BankID med ansiktsgjenkjenning, fingeravtrykk eller PIN når du aktiverer appen, bør du sjekke om dette er aktivert på telefonen eller nettbrettet du brukar. Dette kan du sjå i innstillingane på telefonen/nettbrettet.
   

For dei som allereie har teke i bruk appen:

1. Opne BankID-appen og trykk på «Min BankID» i menyen nedst på sida
2. Følg instruksane i appen for å aktivere BankID med ansiktsgjenkjenning, fingeravtrykk eller PIN
3. Dersom du ikkje får aktivert BankID med ansiktsgjenkjenning, fingeravtrykk eller PIN ved å følgje stega ovanfor, bør du sjekke om dette er aktivert på telefonen eller nettbrettet du brukar. Dette kan du sjå i innstillingane på telefonen/nettbrettet.

Når du har aktivert ansiktsgjenkjenning eller fingeravtrykk i BankID-appen, er denne tenesta klar til bruk. Når du deretter er på ein nettstad der du må identifisere deg med BankID, vel du «BankID-app» som metode. I nokre tilfelle vil du automatisk få opp ansiktsgjenkjenning/fingeravtrykk som metode, utan at du treng å velje «BankID-app» manuelt. Du vil så få eit varsel på telefonen/nettbrettet som må godkjennast. Trykk på varselet for å stadfeste at det er du som prøver å logge inn, og følg instruksane i appen. Dersom nettstaden du loggar inn på, har teke i bruk biometri i løysinga si, vil du kunne fullføre innlogginga ved å bruke ansiktsgjenkjenning eller fingeravtrykk. Tilbyr ikkje nettstaden biometri, fullfører du innlogginga med BankID-app med passord.

BankID med biometri (ansiktsgjenkjenning/fingeravtrykk) blir rulla gradvis ut og vil bli tilgjengeleg fleire og fleire stader framover. Medan utrullinga skjer, vil du framleis måtte bruke passord i mange tilfelle. Ambisjonen er at du skal kunne logge inn med ansikt/finger i dei fleste tilfella når utrullinga er ferdig, men du må framleis nytte passord i tilfelle som krev auka tryggleik. Dette gjeld mellom anna når du skal sjekke helseopplysningar, ved større transaksjonar og ved e-signeringar – til dømes ved bustadkjøp. Det er opp til kvar enkelt brukarstad å velje kva tillitsnivå dei ønskjer å nytte, og kva for ein innloggingsmetode som skal vere tilgjengeleg for brukarane.

Dei aller fleste telefonar/nettbrett støttar BankID-appen med ansiktsgjenkjenning/fingeravtrykk, men du må ha iOS 14 / Android 7 eller nyare. Har du ein telefon eller eit nettbrett med operativsystem iOS 12, iOS 13 eller Android 6, kan du framleis bruke BankID-appen, men du må da taste inn passord når du skal logge inn.

Dersom du har aktivert biometri (ansiktsgjenkjenning/fingeravtrykk) i BankID-appen, vil du kunne logge inn med ansikt/finger på dei brukarstadene som tilbyr innlogging med BankID med biometri. Fleire og fleire brukarstader vil tilby BankID-innlogging med ansikt/finger, men medan utrullinga går føre seg, vil du framleis måtte bruke passord i mange tilfelle. Ambisjonen er at du skal kunne logge inn med ansikt/finger i dei aller fleste tilfella når utrullinga er ferdig. Passord må berre nyttast i tilfelle som krev auka tryggleik – som når du skal sjekke helseopplysningar, eller ved større transaksjonar og e-signeringar, til dømes dersom du skal signere dokument ved bustadkjøp.

Nei, det er ikkje eit krav, men det er tilrådd fordi det vil gje ei raskare, tryggare og totalt sett betre brukaroppleving.

BankID nyttar biometrifunksjonen i telefonen din og hentar aldri inn biometrien din til eit sentralt register. Fingeravtrykket ditt, ansiktet ditt eller PIN-koden din forlèt altså aldri telefonen din.

Det er opp til kvar enkelt brukarstad å bestemme kva tillitsnivå dei ønskjer å nytte, og dei kan velje mellom to ulike tillitsnivå for BankID-appen. Dersom dei nyttar tillitsnivå «høg», vil du bli spurd om å taste inn BankID-passordet ditt. Dette skjer gjerne dersom du skal logge inn på offentlege tenester, skal sjekke helseopplysningar på Helsenoreg.no, skal bruke BankID til e-signering eller skal gjennomføre større transaksjonar. Dersom brukarstaden nyttar tillitsnivå «betydeleg», vil du kunne logge inn med ansiktsgjenkjenning/fingeravtrykk eller PIN-kode. Dette skal etter kvart gjelde for dei fleste innloggingar, men det vil vere naturleg å skilje mellom tillitsnivået på mindre transaksjonar og til dømes ved signering av lånedokument.

Biometri inneber at appen kjenner att ansiktet eller fingeravtrykket ditt. Det tillèt raskare innlogging på under ti sekund og ei betre brukaroppleving.

Kodebrikka må du ta vare på. Du vil trenge henne dersom du mistar telefonen og vil aktivere appen på ny telefon.

Det er trygt å bruke BankID med biometri og PIN-kode dersom du tek nokre enkle forholdsreglar. Sørg alltid for at du er den einaste som har tilgang til eininga, dersom du ønskjer å aktivere biometri i BankID-appen. Har fleire i husstanden lagt inn fingeravtrykk eller ansiktsgjenkjenning på eininga, må du fjerne biometritilgangen deira før du aktiverer BankID med biometri. Set også ny PIN-kode dersom du veit at fleire kjenner til koden din.

Kontakt banken din for å sperre BankID-appen (og biometri). Aktiver deretter BankID-appen på ei ny eining med BankID-kodebrikka di.

For å deaktivere biometri i BankID-appen må du ta kontakt med kundeservice.

Då vil raskare BankID framleis fungere, men berre med PIN-kode. Dette er ikkje ein måte å deaktivere/sperre BankID med ansiktsgjenkjenning/fingeravtrykk på – det må du gjere ved å kontakte oss.

1. Opne BankID-appen.
2. Gå til «Min BankID» på menylinja nedst.
3. Klikk deretter på «Aktiver»-knappen.
4. Fullfør stega i aktiveringssløyfa.

Du kan lese meir om aktivering her

Det stemmer. For å kunne bruke ansiktsgjenkjenning, fingeravtrykk eller PIN, må du fullføre innlogginga i sjølve appen. Derfor vil ikkje long press-funksjonen fungere i desse tilfella. Du vil derfor bli ført inn i appen når du trykkjer på varselet, der du kan fullføre innlogginga med ansiktsgjenkjenning, fingeravtrykk eller PIN.

Nokre Android-einingar manglar teknisk støtte, eller såkalla «key attestation», som trengst for å få aktivert biometri. Dette er når Google stadfestar tryggleiken i nøkkelhandteringa. Dersom ein til dømes modifiserer telefonen sjølv, hender det at Google ikkje kan gå god for det.