Fleire faktureringsmulegheiter for Eika Bedrift
No har vi lansert ei ny løysing med gebyrfri, elektronisk faktura via Digipost. Løysinga er berekna for bedrifter som ikkje er registrerte i ELMA-registeret, men som ynskjer å ha elektronisk faktura tilsendt. Finn ut meir om dei ulike faktureringsalternativa og vel den som passar best for di bedrift.
EHF-faktura
Er bedrifta registrert i ELMA-registeret vil du motta kredittkortfakturaen som EHF-faktura.
EHF står for Elektronisk Handels Format, som er eit standard format for elektroniske fakturaer. Stadig fleire bedrifter krev elektroniske faktura når dei kjøper og sel selger produkt og tenester.
EHF-faktura har fleire gunstige fordelar:
- Bedrifta sparar tid og ressursar på elektronisk handtering av faktura
- Mindre tid brukast til manuell behandling
- Elektronisk faktura, kreditnota og purring vil spare miljøet for papir og sending av dokument med fly- og biltransport til posten
- Berre éin stad å levere og hente dokumenta
Elektronisk faktura via Digipost
For å motta faktura elektronisk og gebyrfritt i Digipost må du ha ein firmaprofil i Digipost. Når det er oppretta, vil fakturaene automatisk sendast dit frå og med desember 2022. Dette gjeld berre for firmakundar som ikkje allereie er registrerte i ELMA og mottek EHF.
Papirfaktura
Er bedrifta ikkje registrert i ELMA-registeret og heller ikkje oppretta firmaprofil i Digipost, må vi sende papirfaktura. I dette tilfellet påløper det eit faktureringsgebyr på 40 kroner.
Har du EHF-faktura eller elektronisk faktura via Digipost, men ønskjer papirfaktura i staden, kan du ta kontakt med vårt kundesenter så ordnar vi det.
Visste du at?
Stadig fleire av våre bedriftskundar vel EHF-faktura. Det er enkelt, saumlaust og tidsbesparande.