Slik handterer du kredittkortrekninga etter ferien
Sommaren er over, og for mange betyr det at kredittkortrekninga har fått ein solid auke.
Fortvil ikkje, vi er her for å hjelpe deg med gode råd og løysingar slik at du kan handtere nedbetalinga av kredittkortfakturaen på ein fornuftig måte.
Betalingsfri månad for deg som treng ei lita utsetting
Har du brukt mykje på kredittkortet i ferien, kan ein betalingsfri månad vere ei god løysing. Den gir deg litt ekstra tid til å få økonomien på rett kjøl igjen. Ein betalingsfri månad betyr at du kan utsette betalinga av fakturaen med ein månad utan å få ei purring undervegs. Hugs at renta likevel påløper, og at du kan få berre éin betalingsfri månad per kalenderår.
Det beste er sjølvsagt å betale heile eller delar av kredittkortfakturaen ved forfall.
Søk om refinansiering om rekningane har vorte for mange
Klarer du ikkje å nedbetale kredittkortgjelda i løpet av 3 til 5 månader, kan refinansiering vere ei betre løysing for deg. Ved refinansiering kan du samle fleire kredittar i eitt lån og dermed få lågare rente og betre vilkår. Vi finn ei god løysing tilpassa din økonomi.
Akkurat no har vi kampanjerente på maks 11 % på refinansieringslån når søknaden kjem frå din bankrådgjevar hos oss. Då lønner det seg å ta ein prat!
Kor mykje rente må du betale om du vel å nedbetale over tid?
Vårt beste råd er å alltid betale heile kredittkortfakturaen ved forfall. Då slepp du å måtte betale unødvendige renteomkostningar. Likevel treng ikkje rentekostnadene å vere så store dersom du nedbetalar i løpet av kort tid.
Her er eit døme som viser mogelege rentekostnader dersom du vel å nedbetale ei faktura på 15 000 kroner over 3 månader. Hugs at du har inntil 45 dagar rentefri betalingsutsetting før forfall på første faktura.
| Nedbetaling over | Beløp å betale | Påløpte renter i perioden | Månadleg innbetaling | Total rentekostnad |
|---|---|---|---|---|
| 1 mnd. | 15 000 kr | 273 kr | 5 216 kr | 273 kr |
| 2 mnd. | 10 057 kr | 183 kr | 5 216 kr | 456 kr |
| 3 mnd. | 5 024 kr | 91 kr | 5 115 kr | 547 kr |
Vel du å nedbetale din Eika Kredittkort faktura på 15 000 kroner over 3 månader, vil det koste deg totalt 547 kroner i renter, og totalbeløpet du må betale tilbake er 15 547 kr. Dømet tek omsyn berre til påløpte renter, ikkje eventuelle gebyr for minibankuttak eller papirfaktura som kjem i tillegg.
Ta gjerne kontakt med oss om du treng betalingsutsetting eller har andre spørsmål vedkommande nedbetaling over tid. Vi hjelper deg gjerne!