![Et par gule gummistøvler vasser over et gulv tatt av flom](/-/media/fellesbilder/07-Eika-no/Tilpassede-bilder-forsikring/gule-gummistovler-i-flom.jpg?la=nn-NO&h=339&w=509&mw=1400&hash=3A79879A921698FC2065591ECEC20D58)
Er du råka av flaum?
Slik avgrensar du skadene dersom du har blitt råka av flaum.
10 gode råd for å avgrense skadene ved flaum:
1. Sikre skadestaden
Sørg for at du sikrar skadestaden slik at det ikkje blir verre eller skjer fleire skader. Halde folk unna bygningar som står i fare for å rase saman eller der grunnen kan rase ut.
2. Tøm bygningen for vatn som ikkje har rent ut
Brannvesenet kan hjelpe deg med pumper.
3. Slå av sikringane
Slå av sikringar til elektrisk anlegg i etasjane som er oversvømde. Då kan du hindre kortslutningar og gjere det tryggare for deg sjølv.
4. Vent med å bruke varmtvasstanken og elektriske anlegg
Ikkje ta i bruk varmtvasstank eller elektrisk anlegg som har stått under vatn før det har blitt kontrollert av elektrikar.
5. Ta vare på tinga du vil ha erstatning for
Vi sender ofte ein takstperson for å vurdere skadene eller ein samarbeidspartnar for å utbetre. Ta bilete eller video av det som er skadd slik at dei kan brukast i erstatningsvurderinga. Fortsett å dokumentere skadene over tid, ikkje berre rett etter flaumen, men òg i dagane og vekene som følgjer. Halde eit auga etter teikn på muggvekst.
6. Vask ut vatn og slam for å avgrense skadene
Jo raskare du får rydda opp, jo mindre skade blir det over tid.
7. Sjekk at avløpet ikkje er tett før du tek bygningen i bruk igjen
Etter ein flaum kan avløp lett bli tett av slam og rusk. For å unngå at vatnet samlar seg igjen, må avløpet vere fri for blokkeringar. Du kan sjekke avløpa sjølv, men er du usikker, kan det vere lurt å ringe ein rørleggar.
8. La ein ekspert vurdere skadene
Ein takstperson eller eit saneringsselskap vil vurdere om det er nødvendig med uttørking eller riving dersom kjellaren din har oppfôra golv av tre som har blitt oversvømt.
9. Forankre bygningen og fyll kjellaren viss nødvendig
Dersom bygningen står i fare for å "flyte opp" må den forankrast og kjellaren må eventuelt fyllast med vatn.
10. Luft bygningen
Er det trygt å gå inn, opnar du vindauge og dører for å la frisk luft strøyme gjennom. Bruk vifter til å hjelpe til med tørkeprosessen. God ventilasjon kan hjelpe med å hindre muggdanning.
Kontakt oss
Treng du hjelp, er vi her for deg. Kontakt kundeservicen vår, så står vi parat.