Nye innreisereglar i Storbritannia
Frå 2. april vart det pålagt for nordmenn å ha eit godkjent elektronisk reisedokument (ETA) for å kome inn i Storbritannia. Det betyr at uansett om du skal på ein shoppingtur, ferie med familien eller sjå favorittlaget på heimebane, må du ha innreisedokumenta på plass for å kome inn i England, Skottland, Wales og Nord-Irland.
Det vart mogleg å søkje frå 5. mars 2025. Eit ETA (Electronic Travel Authorization) er gyldig i to år og kostar 10 pund. Du kan søkje gjennom ein app eller nettside. For å fullføre søknaden treng du passet ditt eller eit bilete av passet ditt, og du må fylle ut personleg informasjon, reiseinformasjon og svare på tryggleiksspørsmål.
Du må søkje minst tre yrkesdagar før avreise. Om søknaden din vert avvist, kan du søkje om visum.
Målet med den nye løysinga er å skape betre kontroll for Storbritannia og ein enklare prosess for dei som landar.
Reiseforsikringa di dekkjer ikkje kostnaden dersom reisa di vert avbroten fordi du ikkje har eit gyldig ETA, så det er viktig at du søkjer i god tid før du reiser.