![](/-/media/fellesbilder/Kredittbank---Kun-til-eget-bruk/Agricard/par_selfie_utland-1661513384.jpg?la=nn-NO&h=600&w=900&mw=1400&hash=DB3C5918ADCE23FA59404F51C64F5D71)
Slik melder du skade på reiseforsikringa
Med vår reiseforsikring er du sikra viss uhellet rammar når du er på tur, men veit du korleis du går fram når du skal melde skade?
Dette er det første du gjer viss uhellet er ute
Det første du bør gjere er å melde frå om hendinga på staden og få ei skriftleg stadfesting på det som har skjedd.
- Tap eller skade under transport melder du til transportselskapet.
- Tjuveri eller ran melder du til politiet eller reiseleiaren på staden.
- Skade eller tap frå hotell, restaurant, flyplass eller liknande melder du til hotellet, restauranten osv.
Kva slags dokumentasjon bør du leggje ved?
Sjølv om skadeoppgjeret er basert på gjensidig tillit, er det framleis lurt å hente inn dokumentasjon som stadfestar skaden.
Dette kan vere lurt å ha klart før du melder skade:
Viss bagasjen din blir forseinka:
- PIR-rapport (Property Irregularity Report) frå flyselskapet som stadfestar forseinkinga.
- Kvitteringar på utlegga du har gjort (hugs å leggje saman summen på dei).
Viss turen din blir avbestilt:
- Avbestillingsdokument frå reisearrangør eller flyselskap.
- Oversikt over kva du får refundert av reisearrangør eller flyselskap.
- Legeattest, viss avbestillinga skuldast sjukdom.
Viss du blir sjuk eller utsett for ei ulukke:
- Dokumentasjon på alle utgifter, slik som lege, medisinar, taxi og liknande.
Hvis tinga dine blir stolne:
- Tjuveri av reisegods: skriftleg stadfesting frå staden det skjedde på.
- Fråstolen mobiltelefon: Stadfesting på sperring av IMEI-nummer – du finn IMEI-nummeret ved å taste *#06#. Telefonen blir sperra hos politiet, som sender sperringsanmodninga vidare til teleoperatøren.
- Oversikt over tapet med beskriving av type gjenstandar, alder, modell og pris på gjenanskaffing.
- Ved øydelegging eller innbrot: hugs å ta bilete av øydeleggingane.
- ... og ikkje gløym å ta bilete av alle tinga som du har med deg på turen, i tilfelle dei blir stolne.
Kva viss du blir sjuk på reisa?
Viss du blir sjuk før reisa, kan du enkelt avbestille reisa og skaffe legeattest som stadfestar sjukdomen.
Blir du sjuk på reise i utlandet anbefaler vi at du tar kontakt med vår forlengde arm, SOS International. Via deira døgnopne alarmsentral får du hjelp uansett kvar du er i verda.
Viss du blir sjuk på turen er det lurt å hugse på dette:
- Følg legens anbefalingar.
- Sei frå til Eika eller SOS International dersom du blir lagt inn på sjukehus eller viss utgiftene er forventa å overstige 5 000 kroner.
- Få skriftleg stadfesting frå legen om nødvendigheita av utgiftene som påløper, og om du har behov for å avbryte reisa.
- Ta vare på alle kvitteringar frå legebesøk, medisinar og andre utgifter relatert til sjukdomen.
Lurer du på korleis skadeoppgjeret fungerer på reise, kan du lese meir om det i denne artikkelen.