![Eit eldre par sit ved eit bord og ser på ulike papir og ein PC.](/-/media/NYE-NETTSIDER/Lan/Billan/Eldre-par-med-pc-papirer.jpg?la=nn-NO&h=933&w=1400&mw=1400&hash=CBAF87B9409991D54C5502359E0DA655)
For deg som ikkje ønskjer eller kan handtere lånet ditt digitalt
I eit virvar av digitale banktenester er det framleis mogleg å løyse mykje på den «gamle», analoge måten.
Analoge tenester for deg som treng det
Vi veit at både samfunnet og bankane sine produkt og tenester er i stadig endring, der det meste blir digitalisert. Likevel er det ikkje alle kundar som ønskjer å vere heldigitale eller har moglegheit til å handtere bankkvardagen elektronisk på nett.
Er du ein av dei som framleis likar å gjere ting på «den gamle» måten eller har behov for assistanse når det kjem til bruk av digitale løysingar? Vi har samla alt du treng å vite om våre analoge tenester i samband med billån og lån til andre køyretøy på denne sida. Du kan også laste ned vår informasjonsbrosjyre eller kontakte oss for å få denne tilsendt per post.
Slik søkjer du om lån til bil og andre køyretøy
Ønskjer du å søkje om billån eller lån til andre køyretøy, må du sende oss ei skriftleg henvending om dette per post (brev).
Du må stadfeste at du ikkje har BankID eller tilgang til digitale tenester som t.d. nett- og mobilbank for å kunne søkje om kredittkort eller lån manuelt.
Når henvendinga er mottatt, vil vi sende deg nødvendige dokument og ei beskriving av den vidare prosessen per post. Vi kan sende dokumenta kun til di folkeregistrerte adresse og anbefaler at du sjekkar at denne er korrekt.
Spørsmål og svar om ikkje-digital søknad
For deg som har eit løpande lån
Opplysningar om lånesaldo, innbetalingar og nedbetalingsplan
Ønskjer du å vite saldoen på lånet ditt, få tilsendt oversikt over innbetalingane du har gjort på lånet, eller få ein oppdatert nedbetalingsplan, ta kontakt med kundesenteret på telefon +47 915 03 850, så hjelper vi deg.
Faktura per post
Du vil motta papirfaktura automatisk dersom du ikkje har tilgang til mobil- og nettbank.
Har du tilgang til mobil- og nettbank, må du sjølv sørge for å avslå «Ja takk til alle eFaktura». Lurer du på korleis du gjer det, må du ta kontakt med banken du har nettbankavtale med.
Ekstrainnbetalingar på lånet
Du kan betale inn ekstra på lånet ditt når du sjølv ønskjer det. Bruk same KID- og kontonummer som på dine tidlegare tilsendte fakturaer. Dette er ditt faste og personlege KID-nummer som skal brukast kvar gong du utfører ei innbetaling.
Sluttoppgjer
Når lånet er nedbetalt, vil du motta ei sluttfaktura frå oss som stadfestar at lånet er innfridd og at låneavtalen avsluttast. Treng du ytterlegare dokumentasjon i samband med at lånet er nedbetalt, ta gjerne kontakt med oss, så hjelper vi deg.
Lurer du på noko anna?
E-post: billaan@eika.no
Teleon: (+47) 918 06 270