Endeleg over dørstokkmila.!

Etter eit hyggeleg møte med rådgjevaren i banken, vart Lisa positivt overraska over kor enkelt det var å kome i gang med sparing.

Lisa jobbar som lærar og bur på eit småbruk i Stange kommune. Personleg økonomi er noko ho prøver å ikkje tenkje så mykje på.

"Eg har prøvd å spare, men burde nok vere meir strukturert. Eg burde nok også ha byrja med pensjonssparing. Det har vore mykje burde ditt og burde datt, og det er ei dørstokkmil å setje seg inn i alt", fortel ho.

Løysinga blei eit møte med ein bankrådgivar

Lisa synest det høyrest litt alvorleg ut med ein samtale med ein bankrådgivar. Er det naudsynt, liksom?

"Eg grudde meg litt, og synest det var rart å skulle snakke om min personlege økonomi med ein eg ikkje kjenner, men det var mykje hyggelegare enn eg trudde. Rådgivaren var genuint interessert i meg, mitt liv og mine framtidsplanar."

Etter samtalen føler Lisa at ho har fått litt meir sjølvtillit når det kjem til eigen økonomi. 

"Eg har jo ikkje blitt nokon ekspert etter berre eitt møte, men det er i alle fall eit steg i riktig retning. No har eg byrja å spare til pensjon og det kjennest bra. Ein kan faktisk få til ganske mykje med berre veldig enkle grep!"

"Det er litt gøy at ein som er ganske dårleg med tal har blitt god med pengar", avsluttar Lisa.