Hopp til innholdet
Bli kunde Bytt til bedrift

Tenester for deg som ikkje er digital

Vi tilbyr fleire tenester for kundar og pårørande som ikkje er digitale.

Ei bankkvardag som ikkje er digital 

Er du ein av dei som ikkje ønskjer å bruke digitale tenester eller har behov for hjelp når det gjeld bruk av digitale løysingar?

Vi veit at både samfunnet og bankane sine produkt og tenester er i stadig endring, der det meste blir digitalisert. Likevel er det ikkje alle kundar som ønskjer å vere heilt digitale eller har høve til å handtere sin bankkvardag elektronisk på nett.

Her finn du oversikt over kva produkt og tenester som ikkje krev internett eller andre digitale verktøy. 

Tenester som ikkje krev internett

Med bankkort kan betale, samt ta ut og sette inn pengar i butikk.

PIN-koden er ein firesifra kode som ein må ha for å betale med kortet i butikk. På kjøp under 500 kan du sleppe å bruke PIN-kode. Då held det at du legg kortet inntil kortterminalen, så blir kjøpet godkjent utan kode. PIN-koden må lærast utanåt og skal ikkje oppbevarast saman med kortet.

Vi bestiller eit bankkort til deg, og ein PIN som blir sendt i posten nokre dagar etter kortet. Dersom du treng nytt kort eller PIN, ta kontakt med oss eller kom innom eit av våre kontor, så hjelper vi deg med å bestille nytt kort eller PIN.

Dersom du har mist kortet ditt og treng hjelp til å sperre det, må du ringe 915 03850 så snart som mogleg slik at vi kan hjelpe deg med å sperre og bestille nytt kort.

Du kan ta ut og sette inn kontantar på bankkontoen din i butikkane til NorgesGruppen over heile landet: alle butikkane i Meny og Kiwi, nesten alle Spar og nokre av Joker-butikkane. Vi reknar med at det blir fleire butikkar med tenesta etter kvart!

Slik fungerer det:

  • Sjå etter skilt med Kontantenester i butikk.
  • Sei frå at du ønskjer å sette inn pengar eller ta ut pengar. Du kan berre sette inn pengar på din eigen konto som er knytt til kortet du brukar.
  • Sett inn bankkortet ditt i betalingsterminalen og tast PIN-koden din.
  • Sjekk at beløpet du set inn eller tar ut stemmer.
  • Du treng ikkje handle for å bruke tenesta.
  • Maksimalt innskot er kr. 20.000, uttak kr. 10.000.

Med AvtaleGiro slepp du å tenkje på dei faste rekningane som telefon, straum, offentlege avgifter og husleige. Banken ordnar betalinga for deg. Rekningane blir betalte til rett tid, utan at du mistar kontrollen over kontoen din. Betalinga blir som regel automatisk lagt til forfall 7 dagar før forfallsdato, eller så snart kravet blir sendt frå betalingsmottakaren.

  • Du slepp å registrere betalinga og tenkje på forfallsdato
  • Du treng ikkje forhalde deg til KID-nummer og anna betalingsinformasjon
  • Vi sørgjer for at rekninga blir betalt automatisk og i tide
  • Du kan stoppe og endre enkeltbetalingar. Dersom du ønskjer å endre fast trekkdato, kontaktar du betalingsmottakaren.

Når du betaler rekningar med BrevGiro, signerer du ein følgeseddel og sender giroblankettane i ein frankert, førehandssadressert konvolutt til Nets. Når forsendelsen kjem dit, blir giroane behandla og kontoen din belasta for dei aktuelle beløpa. Kontoutskrifta fungerer som kvittering.

Med BrevGiro kan du betale alle typar rekningar i Noreg. Ver merksam på at du kan få eit gebyr dersom du fyller ut ufullstendig eller feil informasjon.

  • Ta kontakt med oss for å ta i bruk BrevGiro
  • Du vil få tilsendt ferdigfrankerte innsendingkonvoluttar med følgesedlar
  • Å bruke BrevGiro er dyrare enn nettbank, men billegare enn å betale i skranken.
Med telefonbanken kan du ringe eit telefonnummer for å sjekke saldo og betale rekningar. Ta kontakt med oss for å sette opp telefonbanken.