Kva påverkar eigentleg prisen på bilforsikringa di?
Kvifor er éin bil billigare å forsikre enn ein annan? Vi gir deg ei kjapp innføring.
Det er faktisk litt vanskeleg å seie nøyaktig kor mykje ei bilforsikring vil koste deg heilt utan vidare. Det kjem nemleg an på ein heil haug av ulike faktorar.
Dette er nokre av dei aller viktigaste.
Kor gamal er du?
Alderen din spelar ei viktig rolle for prisen på bilforsikringa di. Er du mellom 18 og 29 år, er det dyrare å ha bilforsikring, men prisen trappast ned kvart år.
Men du får nokre fordelar om du kjøper den av oss også. Sjekk kva her.
Kor bur du?
Prisen kjem også an på kvar du bur. Det er for eksempel dyrare å forsikre bilen din om du bur i ein storby, enn om du bur på ein liten tettstad. Sjansen for uhell er rett og slett større der trafikken er tettare.
Forsikringa kan også bli noko dyrare om du må parkere i gata enn om du kan sette frå deg bilen i ein garasje.
Kva slags bil har du?
Prisen er også avhengig av kva type bil du vel å forsikre. Jo meir «fornuftig» bil du kjøper, jo billigare blir bilforsikringa. Ein Tesla for eksempel er dyrare å forsikre enn ein Fiat.
Dei viktigaste faktorane som spelar inn her er:
- Antall hestekrefter på bilen
- Utstyrspakker
- Om du har kjøpt ein sportsbil eller ei
- Årsmodell
Dette med årsmodell kan vere ganske avgjerande. Det er faktisk mykje billigare å forsikre ein ny bil enn ein som er eldre. Kjøper du ei bilforsikring på ein heilt ny bil, får du dessutan rabatt dei tre første åra.
Kor mange kilometer køyrer du i året?
Kjørelengda, altså kor langt du køyrer kvart år, er med på å bestemme prisen på forsikringa di.
Køyrer du 8 000 kilometer i året, gir det deg ein billigare pris enn om kjørelengda di er på 20 000 kilometer. Grunnen er ganske enkel: jo mindre du køyrer i trafikken, jo mindre er risikoen for uhell.
Den totale distansen bilen har køyrt, altså bilens kilometerstand, spelar samtidig ei viktig rolle når det er snakk om utbetalinga av ein eventuell erstatning. Du vil få meir igjen for ein bil som har gått berre 20 000 kilometer enn ein heilt lik bil som har køyrt 200 000 kilometer.
60 % startbonus - og unge sjåførar får eigne fordelar
Det er altså mange ting som bestemmer kva prisen på bilforsikringa di blir. Men jo meir du kan vise til at du har køyrt skadefritt, desto høgare bonus får du. Og høgare bonus gir lågare pris på forsikringa.
Er det første gongen du forsikrar den private bilen din hos oss, får du 60 prosent startbonus på bilforsikringa di.
Og kjøper du bilforsikringa av oss før du fyller 23 år og køyrer skadefritt dei fem første åra, får du 5 000 kroner tilbake frå oss.
