![Dame smiler og ler med pc](/-/media/NYE-NETTSIDER/Lan/Bolig/Dame-smiler-og-ler-med-pc.jpg?la=nn-NO&h=933&w=1400&mw=1400&hash=733AA9A7FA36C040D29AC35FA47EF44A)
Korleis vinne bodrunden?
Du har funne draumebustaden - no gjeld det å vinne bodrunden, men ikkje for ein kvar pris. Her er nokre tips til kva som kan vere lurt å tenkje på i bodrunden.
Korleis starte bodrunden?
Bodrunden startar vanlegvis etter visningane av bustaden. Meklar informerer interesserte kjøparar om korleis bodrunden vil gå føre seg. Kjøparane gir sine bod til meklaren, som vidareformidlar dei til seljaren. Prosessen held fram til ein endeleg avtale er inngått mellom kjøpar og seljar.
Bodrunden er både spennande og nervepirrande, og det er lett å la seg rive med. Det første du bør gjere er å sette deg inn i reglane for bodgiving. Alle bod er bindande, og du har ingen angrerett. Ver derfor sikker på at dette er bustaden du vil ha, og ikkje legg inn bod på meir enn ein bustad om gongen.
I bodrundar er det ofte korte tidsfristar. Sørg for at du er tilgjengeleg for meklar, legg ein plan for bodgivinga di, og aller viktigast: sett eit tak for kor mykje du maksimalt kan gi.
Sett opp eit budsjett – og ikkje overstig dette
Eit godt tips er å sette opp eit budsjett i forkant av bodrunden, slik at du veit kor mykje du kan gi for bustaden. Då ser du korleis økonomien din ser ut etter at avdrag, renter, felleskostnader og andre bustadrelaterte utgifter er betalt. Hugs at gebyr og omkostningar kjem i tillegg til kjøpesummen, og at økonomien din bør tole endringar i renta.
Ha finansieringa i orden
Ver klar over at bodrunden ikkje er vunne før seljar har akseptert bodet ditt. Dersom du ikkje har finansieringa i orden, kan seljar velje eit lågare bod. Finansieringsbeviset frå banken bør du alltid ha klart før du gir bod.
Har du ikkje finansieringsbevis klart? Les meir om finansieringsbevis her.
Få oversikt over bustadmarknaden
Eit godt råd er å undersøke kva tilsvarande bustadar i området har blitt selde for tidlegare. I tillegg kan du kontakte meklaren etter siste visning for å få informasjon om kor mange som står på visningslista. Dette gir deg betre oversikt over interessa for bustaden.
Bustaden er din!
Dersom seljar aksepterer bodet ditt, er bustaden din. Eigedomsmeklaren kontaktar banken for å få stadfesta at finansieringa er i orden. Neste steg er kontraktsmøte og signering av kjøpskontrakt, og gjennomgang av overtaking og oppgjer med seljar og eigedomsmeklar.
Bustadguiden@headingTag>
Det er mykje å tenkje på når du skal kjøpe, bytte eller selje bustad. Vi gir deg steg-for-steg oversikt over kva du bør tenkje på både før, undervegs og etter kjøp av bustad.