![ung mann danser med mobil - bsu](/-/media/NYE-NETTSIDER/Sparing-og-pensjon/BSU/Ung-mann-danser-med-mobil.jpg?la=nn-NO&h=934&w=1400&mw=1400&hash=EB736B3A89AE71F79D6C7B6157388D0F)
10 ting mange lurer på om BSU
Du har kanskje høyrt om BSU, men lurer på kva det eigentleg betyr? Vi gir deg svar på dei mest stilte spørsmåla.
Dei 10 mest stilte spørsmåla om BSU
-
Kva er BSU?
BSU står for bustadsparing for unge. Det er ei ordning for alle under 34 år, perfekt for deg som drøymer om eigen bustad. Når du opnar ein BSU-konto i banken, viser du at du har eit mål med sparinga di, nemleg å byggje opp eigenkapital for å kjøpe bustad. Finn ut mer om BSU her.
-
Kor mykje kan eg spare på BSU?
Du kan spare opptil 27 500 kroner i året og 300 000 kroner totalt fram til du fyller 34 år. Kvart år får du renter på dei sparte pengane, men desse påverkar ikkje sparebeløpet. Kun beløpet du set inn tel mot sparegrensa.
-
Er det smart å spare på BSU?
Ja, BSU er smart om du ønskjer å kjøpe bustad i framtida. Du får bankens beste sparerente og moglegheit for skattefrådrag. Start BSU-sparing enkelt i mobil- og nettbanken.
-
Kva vil det seie at eg får skattefrådrag og renter?
BSU er ei spareordning der du får innskotsrenter på pengane du sparar. Rentene er pengar banken betaler deg for å spare. Skattefrådrag betyr at viss du har ein jobb og tener nok til å betale skatt, får du 2 750 kroner tilbake av skatten du har betalt viss du fyller opp BSU-kontoen din. Smart, ikkje sant?
-
Kva skjer med BSU etter eg har fylt 34 år?
Du kan setje inn pengar på BSU ut det året du fyller 33 år. Etter dette kan du ikkje setje inn meir pengar, uansett når på året du fyller 34 år. Kontoen stengjer ikkje før du brukar pengane, men dei må brukast på bustad. Når du ikkje kan setje inn meir pengar, får du heller ikkje skattefrådrag. Den gode renta blir justert ned til vanleg sparerente.
-
Kva er negativt med BSU?
Pengane må brukast på bustad. Du kan bruke dei som eigenkapital ved kjøp av bustad, eller til å betale ned på lån eller pusse opp bustaden seinare. Pengane må brukast på ein bustad du eig – anten åleine eller saman med andre.
Viss du brukar BSU-pengane til oppussing, vedlikehald eller påbygg, bør du spare på kvitteringane. Du er ansvarleg for å bruke BSU-pengane til bustadformål, og staten kan sjekke dette.
Viss du ikkje kjøper bustad og vil bruke pengane på noko anna, må du betale tilbake skattefrådraget du har fått. Du kan ikkje opne BSU-konto viss du allereie eig bustad. -
Kva gjer eg når BSU-kontoen er full?
Har du fylt opp BSU-kontoen med 300 000 kroner, kan du ikkje spare meir på denne kontoen, men du vil framleis få den gode renta fram til du brukar pengane eller fyller 34 år. Ønskjer du å spare meir, kan du spare på sparekonto eller i fond.
-
Når lønner det seg å fylle opp BSU kontoen?
Du får god rente på BSU-sparinga, og rentene blir baserte både på kor mykje pengar du har på kontoen og kor lenge dei står der. Jo tidlegare på året du fyller opp kontoen, jo betre renteutbytte får du. Dei fleste må likevel spare jamt gjennom året for å fylle opp BSU. Eit godt tips er å setje skattepengane tilbake på BSU-kontoen viss du får pengar igjen på skatten.
-
Når lønner det seg å starte BSU sparing?
Det finst ingen fasit på når du bør begynne, men startar du tidleg, har du ein fordel av at pengane er øyremerkte bustadformål, og du viser banken at du har ein plan med sparinga di. Du byggjer også opp eigenkapital, noko som kjem godt med når du skal kjøpe din fyrste bustad. Har du skattepliktig inntekt, får du i tillegg skattefordelar av sparinga.
-
Kan eg ha BSU-konto i fleire bankar?
Du kan kun ha éin BSU-konto. Har du avslutta BSU-kontoen, kan du ikkje opprette ein ny.
Bustadguiden@headingTag>
Det er mykje å tenkje på når du skal kjøpe, byte eller selje bustad. Vi gir deg steg-for-steg oversikt over kva du bør tenkje på både før, undervegs og etter kjøp av bustad.